Այսպիսով, արձանագրենք, պետական քաղաքականության ներկա փուլի արդյունավետության եւ համակարգված գործողությունների մասին խոսել չենք կարող. չկան անգամ գործողությունների ծրագրեր կամ իրավիճակի վերլուծություններ։ «Աբովյան» ՔԿՀ-ում պահվող անչափահաս կալանավորների հետ, որոնցից մեկը, ի դեպ, այնտեղ է արդեն ավելի քան 3,5 տարի, նպատակային աշխատանք չի կատարվում։ Հանրակրթության իրավունքից էլ վերջին տարիներին զրկված են եղել։
ՊՈԱԿ-ը տարեկան ավելի քան 36 մլն դրամ է ծախսում գեղագիտական դաստիարակության ծրագրի համար, բայց չկա անչափահասներին համար որեւէ հստակ ծրագիր, չկա ծրագրի արդյունավետության գնահատման որեւէ մեխանիզմ։
«Երեխայի իրավունքների պաշտպանության 2017-2021 թվականների ռազմավարական ծրագրի» «առաջընթացի միջանկյալ գնահատման տարվա» առաջին 6 ամիսներն անցել են, չկա նաեւ դրա գնահատումը։ Ե՞րբ կլինի, նույնպես անպատասխան հարց է։
Սակայն ռազմավարական ծրագրում սոցիալական ոլորտի առնչությամբ մի մոտեցում է ամրագրված եւ այն, ամփոփելով այս ամենը, կարելի է ասել, որ պետք է կիրառել նաեւ արդարադատության ոլորտում։ Խոսքը ՊՈԱԿ-ներին վերապահված գործառույթների առնվազն մի մասը ՀԿ-ներին պատվիրակելն է, որոնք, ստացվում է՝ ավելի արդունավետ են աշխատում։ Այս մասին կառավարությունն առիթներ ունեցել է բարձրաձայնելու, մնում է գործել։